José Andrés en Galicia

Tolón, tolón, tolón… soa o meu teléfono unha mañá hai xa tempo. O meu ton de chamada son as campás de Bastabales, grabadas por min mesmo no toque de oración de tódolos mediodías gracias a que o campaneiro me permitiu un día, hai tempo, subir con el ata a torre da igrexa.

Tolón, tolón, tolón…

Si?

A ver oh, pasa por aquí esta tarde que che presento a José Andrés. O que chamaba era Marcelo Tejedor, que tiña ao cociñeiro e estrela da televisión gravando no seu restaurante imaxes para una serie de televisión que se emitiría en Estados Unidos.

E aló fun. No medio dunha morea de xentes do equipo técnico e de produción José Andrés, Marcelo e máis eu mantivemos unha amigable conversa ata que alguén deu a orde de volver ao traballo.

Non volvín preocuparme polo asunto ata que hoxe, a través de Berenguela, din co video do capítulo dedicado a Galicia por José Andrés, cunha curiosa receita de pementos de Padrón recheos de queixo de tetilla e o traballo de dous grandes de Compostela, Marcelo Tejedor e Bernarda Gómez Arcos (Pan da Troia). E como todo ten un pero, paréceme que José Andrés puido gravar o polbo á feira nunha feira e o resultado sería polo menos máis atractivo.

One thought on “José Andrés en Galicia

  • 29 de Xaneiro de 2010 at 12:18 12Fri, 29 Jan 2010 12:18:20 +000020.
    Permalink

    Xa sei que son un tocagüevos e un incordio, pero cando observo a ese señor (aquí e no programa que tiña na tele) sempre me ven á cabeza unha das poucas cousas que me ensinaron nesto da cociña: o respecto pola orde, a limpeza e a hixiene. Home, non digo que teña que cortar o queixo con luvas, pero de aí a poñer a manaza na parte aberta da tetilla, deixala polo medio despois de cortar os tacos e liar un sindiós co sal polo medio da táboa de cortar…. E non habería por aí un mandilón, aínda que fose de deseño, ou un trapo para limpar as mans?
    (na peculiar forma de fritir pementos e de botarlle sal na tixola non me meto, que os expertos son vostedes).

    Reply

Deixa una resposta a eSedidió Cancelar a resposta

O teu enderezo electrónico non se publicará Os campos obrigatorios están marcados con *