Unha vergonza académica

Coa presentación de Gastronomíadegalicia.com, o Conselleiro de Cultura e Turismo da Xunta de Galicia anunciou un Plan de Gastronomía en 2010 e desatou as iras de algúns.

O Bloque Nacionalista Galego (BNG) e o semanario afín A Nosa Terra foros os primeiros en saltar á area. O BNG xa presentou no Parlamento unha pregunta sobre o feito de que dita páxina so está publicada en castelán, inda que segundo se pode ler na información ofrecida pola Consellería, está prevista a súa publicación en varias linguas, suponse que tamén en galego. Podemos entender que se trata dun proxecto aínda en desenvolvemento.

O da lingua é importante. Moito. Pero o BNG estivo catro anos no goberno da Xunta e durante ese tempo destinou millóns de euros aos medios de comunicación galegos que se publican case exclusivamente en castelán, así que lle están reprochando ao actual goberno un proceder parecido ao que eles tiveron dende 2005.

A min, lingua aparte, o que máis me preocupa deste asunto é o feito de que unha institución que se chama “Academia Galega de Gastronomía” dea o seu aval a unha páxina como Gastronomíadegalicia.com, na que podemos atopar, baixo o epígafre de “platos de la cocina gallega” cousas coma o pote, as kokotchas (sic) ou o marrón glacé, así como receitas galegas das que eu xamais escoitara falar nin nada tiña lido, como a lebre benedictina ou as manitas de cerdo. Entre as fontes empregadas para buscar as receitas galegas está terra.es.

Pero o mellor do asunto é a receita do caldo. Reproducir o que escribiu Picadillo en 1905 é a máis grande manifestación de ignorancia: ignoran que non todos os caldos, xa daquela, se facían so con unto; ignoran que entón os que podían poñían no mesmo un bo surtido de carnes; ignoran o que, falando do caldo, escribiu Emilia Pardo Bazán, asegurando que o labrego galego era vexetariano… á forza. E sobre todo ignoran que a cociña é un ser vivo, en constante evolución, e que o caldo que hoxe se fai con profusión de carnes é tan auténtico coma o que facían so con unto os labregos pobres… e moito máis rico. Proben a facer hoxe o caldo únicamente con unto e verán o fracaso.

Pero a cousa non acaba aí. Segundo a web, algunhas das meles máis coñecidas de Galicia son as de tomiño e azahar, dúas flores, engado eu, abundantísimas no interior de Galicia, onde se produce a meirande parte do mel galego. Coñecidas en todo o mundo son as laranxas galegas, superiores en todo ás da China.

Do mero din que “Tal abundancia y dimensiones ha alcanzado este pescado de agua salada en nuestros contornos…”. No que vai de ano descargáronse nos portos galegos  algo máis de 350.000 quilos de mero fronte a preto de 26,5 millóns de quilos de pescada. Datos de estatísticas oficiais.

Entre as carnes esquecen o lacón e din que en Galicia se sabe sacar moi ben o “ragut” do porco. Non se enteraron da cantidade de corzos que agora se cazan no país e non saben que ademais da IXP Ternera Gallega o país produce unha das mellores carnes de vaca do mundo, nin saben nada de razas cárnicas tan especiais como a cachena ou a caldelá.

Podería seguir atopando máis cousas polo estilo, pero iso obrigaríame a continuar mirando a páxina e xa non me quedan gañas.

Unicamente saiban os lectores galegos que vostedes andan dicindo por aí que traballan “para ganar las alubias” e non “para gañar os garavanzos”. Aquilo tan popular de “gañar o pan” vese que pasou de moda.

Todo o dito non sería máis que outro caso de páxina mal documentada destinada a gañar diñeiro, como hai tantas na rede. Pero neste caso Gastronomíadegalicia.com está referendada pola Academia Española de Gastronomía e a Academia Galega de Gastronomía que deberían dar explicacións sobre a sarta de chorradas que se poden ler alí.

25 thoughts on “Unha vergonza académica

  • 21 de Novembro de 2009 at 12:45 12Sat, 21 Nov 2009 12:45:23 +000023.
    Permalink

    que barbaridá…

    Reply
  • 21 de Novembro de 2009 at 13:32 01Sat, 21 Nov 2009 13:32:12 +000012.
    Permalink

    Sólo le he podido echar un vistazo rápido ayer mirando más el diseño que los contenidos. ¿Quien escribe en ella?¿Sólo reproducen contenidos sacados de otras web? porque hay recetas que vienen de otras páginas como de Directo al Paladar.

    Muacs doces

    Reply
  • 21 de Novembro de 2009 at 17:14 05Sat, 21 Nov 2009 17:14:11 +000011.
    Permalink

    Buuuuuuffffffffffffffff….. xa nin me atrevo a abrir a páxina, que son hipertenso e esas cousas aféctanme, salvo para facer una protesta a nivel formal. Por outra parte, creo recordar que o presidente da tal academia (as minúsculas son a posta) é un tal Quiroga y Piñeyro, coñecido intelectual e experto en temas gastronómicos. En fin… o dito, se quere dar máis leña, abrimos a tal páxina entre todos, tirámoslle punta e montamos un cristo que nindiola. E a min, o de deixar o idioma para máis tarde si que me importa. Non dicen que somos bilingües? Pois que apliquen o conto.
    PS. Fíxese se me puxo de mala hostia a tal noticia que ata estou disposto a asinar co meu nome e apelidos 🙂

    Reply
  • 22 de Novembro de 2009 at 10:48 10Sun, 22 Nov 2009 10:48:20 +000020.
    Permalink

    Fun a presentación (non sabía de que, xa que me chamaron a última hora) esperando atopar a algún de vós por alí. Tería sido un bo remedio para a mala leche que me entrou.

    Como di o eSedidió, o idioma para min tamén é importante (curioso o esforzo do Conselleiro ao saudar ao catalán de Gas Natural en catalán, pero *nulo* uso do galego), pero moito máis grave son os contidos, con nomes de platos desnaturalizados, textos de copiar e pegar, etc.

    En xeral non teño problemas porque empresas de fora leven os contratos públicos, pero cando se trata de cultura a cousa cambia. Nesta ocasión podemos consolarnos tentando ver nesta web como nos ven desde fora. O cosmopaletismo deste governo seguro que está moi cómodo con este espello.

    Despídome cunha mostra: http://twitter.com/gastron_galicia/status/5822194555

    Saúdos

    Reply
  • 22 de Novembro de 2009 at 11:23 11Sun, 22 Nov 2009 11:23:51 +000051.
    Permalink

    Eu insisto: teñan un pouco de piedade coa miña saúde. Foi entrar na ligazón de Rodrigo e ter que tomar outra pastilla…. Buenos días, galleguiños? mal raio che parta, fillo do corno!…. (e iso que aínda non xuntei valor para entrar na páxina principal….)

    Reply
  • 22 de Novembro de 2009 at 11:28 11Sun, 22 Nov 2009 11:28:45 +000045.
    Permalink

    Cálmense. Para min o idioma tamén é importante, pero estamos ante unha páxina privada e non da Xunta por moito que poida ter recibido axuda económica desta. E mentres sexa privada a Xunta non pode impoñer o uso dun idioma, como non o impuxo o BNG aos medios de comunicación nos que publicaban banners as consellerías da Xunta que dirixía. O idioma tampouco lle importou ao BNG á hora de aprobar a IXP TARTA de Santiago, así que está claro que todo se reduce a un xogo político.
    No caso dos contidos a Real Academia de Gastronomía e a Academia Galega de Gastronomía meteronlla doblada á Xunta. Paréceme lóxico que a Xunta dea por bos uns contidos refrendados por tan “altas” institucións. Tería sido mellor que o Conselleiro tivera un asesor en materia gastronómica que descubrira os problemas, inda que entón o criticarían polo gasto. E no caso de que o teña está claro que debe despedilo de inmediato.
    Para min o escándalo é que dúas Academias respalden tal sarta de contidos que, como di Berta, polo menos en parte proceden do sistema tan extendido en internet de copiar e pegar. Nos próximos días dirixirei un escrito a ambas Academias, con copias á Xunta e Gas Natural, esixindo o pago dos dereitos de autor dunha foto miña, publicada con Copyright, que non so copian, senón que a modifican por ver se pasa desapercibida.

    Reply
  • 22 de Novembro de 2009 at 12:27 12Sun, 22 Nov 2009 12:27:16 +000016.
    Permalink

    Señor eSedidió, Gastronomíadegalicia contén unha revelación científica que para vostede pode ser determinantes: “las alubias son originarias de Persia y el Mar Caspio…” http://www.gastronomiadegalicia.com/v_portal/apartados/apartado.asp?te=29
    Supoño que a España as trouxeron os árabes e lles chamaban al-ubias.
    O texto está copiado literalmente da web http://www.publidoda.com, inda que o que contan en terra.es resulta moito máis interesante e indo-cumentado: http://www.terra.es/alimentacion/articulo/html/ali6487.htm

    Reply
  • 22 de Novembro de 2009 at 14:39 02Sun, 22 Nov 2009 14:39:30 +000030.
    Permalink

    🙂 🙂 🙂 🙂
    Vostede hoxe esta empeñado en que a min me dea un pallá.
    A ligazón de gastronomiadegalicia non a mirei que aínda me dá yuyu. Pero a de terra é inefábel: o pitifostio que se montan entre as alubias e as habas é digno de enmarcar. Do resto mellor deixalo correr.
    Pero non me calmo non. A min o que fixera o bloque no seu paso polo defunto francamente tanto me ten, como argumento xustificativo do que estes fan agora. E o da denominación da Tarta de Santiago contra Torta de Santiago foi unha decisión comercial, acertada ou non, e da que vostede e eu sabemos que habería moito que falar (niso estou, redactando a segunda parte do post das Marcas en canto un dos meus churumbeles me libere o portátil).
    Pasando de esguello no da lingua, quería determe noutro tema. Quen carallo son e que representan os da academia esta?. Un par ou tres de notas:
    1.- Creada no 92, ata o 2008 non presentaron estatutos para a súa aprobación.No entanto, van dispor dunha parte dun edificio histórico pagado con fondos públicos.
    2.- Nin sequera se molestan en ter unha páxina web. E ata de agora o enderezo de contacto era do dominio da Cámara de Comercio da Coruña
    3.- Non esquezamos que o seu presidente tamén o é desa institución, salpicada hai algúns anos por algún escándalo que quedou en nada, ou en casi nada, pero que aos que non nos queda outra que pagar as cotas deixounos un sabor de boca con certo regusto a bosta.
    4.- É algo así como unha sección da Academia española (igual de transparente) o que non ocorre coa Basca (creada E INSCRITA no 92)
    Finalmente, seguro que un grupo de persoas poden constituir unha asociación do que queiran dentro da legalidade, pero apropiarse dun xenérico coma iste non debería estar permitido, máxime cando as súas realizacións cóntanse, en 17 anos, cos dedos dunha man. E ás veces case sería mellor que estiveran quietiños ou se dedicaran a facer xuntanzas-paparota acompañados dos seus (ou ás súas) cónxuxes, que é o seu quefacer máis habitual.

    Reply
  • 23 de Novembro de 2009 at 13:21 01Mon, 23 Nov 2009 13:21:07 +000007.
    Permalink

    Vaiche boa! Como está o panorama!! Aíndanon vin a páxina, pero xa teño curiosidade por vela e comentala!!

    Reply
  • 23 de Novembro de 2009 at 19:25 07Mon, 23 Nov 2009 19:25:13 +000013.
    Permalink

    El señor Ansón tiene éste modelo de web, por varias comunidades. Es el mismo formato, solo cambia gastronomía- aragon-extremadura-o lo que sea. Hay un becario que va copiando y pegando y subiendo contenidos como los que han mencionado. Que esos hongos de la red pululen no se puede impedir, que nuestras autoridades con dinero de todos las paguen es lo increíble

    Reply
  • 24 de Novembro de 2009 at 18:41 06Tue, 24 Nov 2009 18:41:02 +000002.
    Permalink

    O de al-ubia eu dicíao de coña e sen coñecemento de causa, pero xa vexo que é mellor calar a boca non vaia ser que che dean a razón inda que non digas máis que sandeces.
    Sole, delokos, non estou seguro de que haxa fondos públicos nese proxecto. De momento como patrocinadores aparecen Fenosa e Gas Natural. Fenosa xa financiou outras actividades da academia de gastronomía (en minúsculas, como propón eSedidió)

    Reply
  • 25 de Novembro de 2009 at 13:46 01Wed, 25 Nov 2009 13:46:40 +000040.
    Permalink

    Efectivamente, os estatutos da Academia din que os seus ingresos procederán, entre outras cousas, dos procedentes das administracións públicas

    Reply
  • 25 de Novembro de 2009 at 20:43 08Wed, 25 Nov 2009 20:43:47 +000047.
    Permalink

    No sé como empezo este tema pero en el portal http://www.hggtonline.com dan otra version , en la que dicen que la Academia Galega de Gastromía ha protestado y se siente ofendida por su presunta vinculación con esa web

    Lo que sí recuerdo haberle escuchado a Guillermo Campos en más de una ocasión es que Cunqueiro ya habla de la liebre Benedictina o Benedicta, no estoy segura, en su “Teatro Venatorio y Coquinario”

    Reply
  • 26 de Novembro de 2009 at 01:03 01Thu, 26 Nov 2009 01:03:24 +000024.
    Permalink

    Rianxeira ¿dan? o ¿damos?.
    Es curioso que ningún medio se haya hecho eco de la queja de la Academia Gallega de Gastronomía.
    Y más curioso aún que el presidente de dicha Academia estuviera presente en el acto de presentación, según indica la nota de prensa de la Consellería. ¿Protestó entonces?

    Reply
  • 26 de Novembro de 2009 at 01:13 01Thu, 26 Nov 2009 01:13:51 +000051.
    Permalink

    Rianxeira, escribe Cunqueiro en “Teatro Venatorio y Coquinario”: “Pero hay una receta de cocinar la liebre, boga de rectorales luguesas y dumienses, que le llaman liebre benedicta, y el quid de la salsa está en la sazón de los higadillos con pimienta y un punto de anís. Era muy de la Castilla la Vieja el anisar la liebre…”.
    La receta de gastronomiadegalicia.com parece estar copiada, casi literalmente, de la que escribe Cunqueiro, pero tengo serias dudas de que tal receta pueda darse como gallega, a la vista de lo que dice don Álvaro, y desde luego no es representativa de nuestra cocina.
    En “La cocina de la caza en Galicia” (editorial Nigra Trea) Carmen Freire Vázquez ni la cita.

    Reply
  • 26 de Novembro de 2009 at 01:47 01Thu, 26 Nov 2009 01:47:45 +000045.
    Permalink

    E logo que fai o anagrama da academia regional gallega de la gastronomía na esquina superior esquerda da páxina en cuestión? Ao mellor é o malo das dependencias e dos “regionalismos bien entendidos”.

    Reply
  • 14 de Decembro de 2009 at 14:37 02Mon, 14 Dec 2009 14:37:17 +000017.
    Permalink

    Felicidades, Miguel.Vexo que finalmente sacaron a tua foto dos mirabeles desta páxina. E supoño que por esa razón quitaches ti tamén o comentario no teu blog.
    Gustariame saber, si é posible, si che deron algún tipo de explicación ou simplemente a sacaron sin máis.

    Reply
  • 14 de Decembro de 2009 at 19:51 07Mon, 14 Dec 2009 19:51:43 +000043.
    Permalink

    Efectivamente, jose manuel, o post de denuncia non tiña sentido unha vez que retiraron a foto. A explicación foi a segunte: “Como no queremos tener ningún problema se ha decidido despublicar la fotografía de los mirabeles “

    Reply
  • 18 de Maio de 2010 at 09:02 09Tue, 18 May 2010 09:02:46 +000046.
    Permalink

    dedoenlasopa, o que non di galiciaconfidencial é que o dominio está agora rexistrado por Turgalicia, onde din que están mellorando a web antes de volver a publicala

    Reply
  • 18 de Maio de 2010 at 15:36 03Tue, 18 May 2010 15:36:08 +000008.
    Permalink

    Habería que saber entón canto costou a compra de… ¿un dominio?

    Reply
  • 28 de Agosto de 2010 at 15:41 03Sat, 28 Aug 2010 15:41:25 +000025.
    Permalink

    Xa leva algunhas semanas en liña. Engadiron as festas gastronómicas e non cambiaron nada máis.

    Reply

Deixa unha resposta

O teu enderezo electrónico non se publicará Os campos obrigatorios están marcados con *