VII Cata Internacional de Aguas TermataliaVII Cata Internacional de Augas Termatalia

Inda que non caeu unha gota, o pasado sábado, 17 de outubro, foi un día pasado por auga en Ourense. Tocaba a VII Cata Internacional de Augas Termatalia, que tivo lugar no marco da Feira Internacional do Turismo Termal que cada outono se celebra na capital ourensá.

Convidado polos amigos de Gallaecia e polo director da cata, Antonio Raluy, formei parte do xurado xunto a case outra ducia de persoas procedentes do resto de Galicia, España, Portugal, Italia e México.

E poido asegurar que a cousa non foi doada. Despois de catorce augas sen gas e unha paradiña para estirar as pernas e visitar o servizo, chegou o máis forte da cata: dúas augas con gas natural e doce con gas engadido.

O resultado, como en anos anteriores, é moi alentador para as augas galegas (ollo, foi unha cata a cegas, coa auga servida por medio de xarras para evitar calquera pista pola forma ou cor da botella). Cinco dos dez premios concedidos quedaron no país.

Augas de mineralización moi débil:

1º premio: Agua Sana

2º premio: Bezoya

Augas de mineralización débil:

1º premio: Cabreiroá

2º premio: Fuente del Val

3º premio: Fontecelta

Auga mineral con gas natural:

1º premio: Cabreiroá Única

2º premio: Pedras Salgadas

Auga mineral con gas:

1º premio: Vimeiro Sparkle

2º premio: Mondariz con gas

3º premio: Agua Sana

A Revista. Televisión de Galicia

2 thoughts on “VII Cata Internacional de Aguas TermataliaVII Cata Internacional de Augas Termatalia

  • 22 de Outubro de 2009 at 18:50 06Thu, 22 Oct 2009 18:50:05 +000005.
    Permalink

    Eu son un namorado da auga con gas, que é moi pouco consumida en Galicia, ou eso me din os donos dos bares a a xente dos súper…Case me quedo con Mondariz e das de gas natural con Pedras Salgadas, pero esta é portuguesa senón lembro mal e difícil de atopar aqui.
    Por certo as cataláns non sacaron nada?

    Reply
  • 22 de Outubro de 2009 at 18:57 06Thu, 22 Oct 2009 18:57:58 +000058.
    Permalink

    Eu non sei que marcas participaron na cata e, polo tanto, non sei se había algunha procedente de Cataluña. Os premios foron os que se indican no post.

    Reply

Deixa unha resposta

O teu enderezo electrónico non se publicará Os campos obrigatorios están marcados con *