Non te fíes

¿Vaste fiar do que escriba neste post sen cuestionar dende a primeira á última liña?. Mal fas, que ao peor che tomo o pelo querendo, sen querer ou sen ser consciente de que o faigo e ata do que faigo.

As bibliotecas están cheas de mentiras. Nun mundo en que o coñecemento técnico e científico avanza a unha velocidade de vertixe, o que onte era verdade pode que hoxe xa so o sexa a medias e que mañá se descubra que se trababa dun erro. E despois están as mentiras intencionadamente escritas.

Nas cousas do comer pasa o mesmo, e houbo un tempo en que o peixe azul ou o aceite de oliva eran reputados como malos, malísimos, e hoxe semellan ser unha bendición. Mañá xa veremos.

Pero volvamos coas mentiras. As bibliotecas están cheas de mentiras malia que no proceso de edición e publicación dun libro interveñen moitas mans alleas ao autor do texto con capacidade moitas veces para atopar a verdade. Así que nun medio como internet, no que cada un de nos é autor e editor, a cousa multiplícase inevitablemente. Vale, o de chamar “autor” a moitos dos que publican en internet é un eufemismo, xa que moitos non son máis que copistas, un traballo que tivo a súa razón de ser na Idade Media, razón que desapareceu co invento da imprenta. Outros non fan máis que o que nunha biblioteca se chamaría “revisión bibliográfica”, coa única diferenza de que neste caso se citan as fontes da información con todo tipo de detalle e en internet o máis habitual é que se oculten para maior gloria propia.

Así que de todo o que leo en internet eu fíome duns poucos autores cuxa traxectoria coñezo e me ofrecen total fiabilidade. Son tan poucos que se contan con dedos dunha orella e poucos máis. Do resto, poño en tela de xuízo dúas palabras de cada par escrito.

A cousa complícase cando aparecen anuncios coma o da foto (cheguei a través de Twitter gracias a @nafuente). Búscanse críticos de restaurantes que escriban dende a súa casa. Ofrécense 50 céntimos por crítica de 50 palabras e non se piden estudos nin experiencia de ningún tipo. Xa hai case 500 candidatos para cinco postos e empezo a sospeitar que eu non vou estar entre os seleccionados e polo tanto non poderei contar as cousas máis en detalle.

A cousa non é exclusiva dos medios dixitais. A irresponsabilidade semella que está a tomar posicións nos xornais en papel. Hoxe mesmo lía no xornal Galicia Hoxe un artigo sobre o peixe e o verán. Un artigo asinado con nome e apelidos no referido ao texto. Sobre a orixe de las fotos dicía: internet. Vese que o becario ou redactor, o xefe da sección e o redactor xefe de quenda non saben que tamén en internet hai fotos amparadas polos dereitos de autor.

2 thoughts on “Non te fíes

  • 18 de Agosto de 2009 at 01:36 01Tue, 18 Aug 2009 01:36:50 +000050.
    Permalink

    Estoy de acuerdo con lo que comentas. Yo vi esta oferta y me parece sorprendente que alguien se apunte… 50 centimos me parece hasta insultante. Mas que nada porque para hacer una crítica de un restaurante primero has de ir (no pone nada que te lo paguen no?), y luego perder el tiempo redactando aunque sean 4 lineas. Muy rápido las tendrías que escribir para que te saliera a cuenta. A no ser que lo de comentarios se refiera a entrar en un post y hacer un comentario asi aleatorio para promocionar… lo que me parecería aun peor. Bueno no me caliento mas la cabeza. 😀

    Reply
  • 20 de Agosto de 2009 at 19:38 07Thu, 20 Aug 2009 19:38:21 +000021.
    Permalink

    De acuerdo contigo Miguel, hay muchos que cantan eso de “ahora que vamos despacio…” pero en realidad son rápidos de caray.
    Evidentemente lo que éste anuncio pretende es conseguir gente que publique sin haber ido. Mas que nada porque piden un mínimo de 20 comentarios semanales, y salvo que te pegues 3 comidas al día no veo como.
    Sin entrar en detalles, le diría a Chefwww que hay gente que está publicando incluso gratis, muchas veces hablando de sitios a los que nunca fue. Ayer mismo buscábamos referencias de un conocido restaurante vasco y todo lo que había en la red era copia y pega de notas de prensa. Experiencias reales por lo menos de éste sitio solo las hayamos en ingles.
    La posibilidad de tener voz, hace que mucha genmte encuentre su nicho en internet y si encima le pagan, aunque sea céntimos, por algo que hacía gratis, claro que se apuntan 500 y mas.

    Reply

Deixa unha resposta

O teu enderezo electrónico non se publicará Os campos obrigatorios están marcados con *