Fallados en Lalín os Premios Galicia de Gastronomía

Os premios gastronómicos máis prestixiosos que se conceden en Galicia ocupan esta semana aos dous xurados encargados dos mesmos. O mércores 21 correspondeu a elección dos restaurantes galardoados nos Premios de Gastronomía de Galicia e o venres fállase o Premio Nacional de Periodismo Gastronómico Álvaro Cunqueiro.

O cociñeiro radicado en Ourense Flavio Morganti (restaurante Galileo, Pereiro de Aguiar, Ourense) é o galardoado co premio de gastronomía pola súa achega e potenciación da cociña galega. Sen dúbida o éxito do seu libro Vacas, con repercusión non so en Galicia e España senón tamén a nivel internacional, estará detrás do galardón. Tamén foi galardoado o Mesón Galego Antoxos de Torremolinos (Málaga) pola súa promoción da cociña galega en España. Finalmente foi distinguido o labor da IXP Lacón Galego.

Tamén se outorgaron os galardóns dedicados a recoñecer o labor de toda unha vida á fronte dos fogóns, que corresponderon a Matilde Rodríguez (restaurante Don Quijote, Santiago de Compostela), María Fouz (de O Recuncho de Pepe e María, Castroverde, Lugo), Rosario Sandianes (de Pazo de Monterrei, Pereiro de Aguiar, Ourense) e Victoria Eugenia García (restaurante Casa do Manco, Agolada, Pontevedra). Como ven sendo habitual, os recoñecementos ao labor de toda unha vida recaeron un ano máis en catro mulleres, deixando patente a importancia das mesmas á fronte das cociñas dos restaurantes máis tradicionais de Galicia.

Foto: Flavio Morganti e Martín Berasategui, na presentación da marca de calidade Vac.1

One thought on “Fallados en Lalín os Premios Galicia de Gastronomía

  • 22 de Xaneiro de 2009 at 22:53 10Thu, 22 Jan 2009 22:53:05 +000005.
    Permalink

    agradecer de corazon el apoyo costante y cariñoso que siempre habeis tenido hacia mi persona y restautrante
    sin palabras ….gracias y a vuestra disposicion
    flavio

    Reply

Deixa una resposta a Flavio Morganti Cancelar a resposta

O teu enderezo electrónico non se publicará Os campos obrigatorios están marcados con *