Historia blogastronómica

Hoxe veu a luz a última aventura galega no mundo da comunicación, o Xornal de Galicia, a quen deus garde moitos anos aínda que non nace no mellor momento económico e, non nos enganemos, detrás de todo xornal hai unha empresa, e os empresarios da comunicación buscan influencias e diñeiro, non sei se por esta orde ou por calquera outra.

Merquei o Xornal a primeira hora e boteille unha ollada detida a todo o que me pareceu interesante, porque como en todo primeiro número hai moito de parabéns para o recén nacido e os seus papás.

Decepcionoume non atopar unha soa referencia á un sector tan importante para Galicia como é o gastronómico. O noso sector primario, agrario e pesqueiro, ten aínda un peso moi grande na economía galega. E non digamos a hostalería e a gastronomía como motor turístico. Pois nada, nin unha palabra ao respecto, nin un cociñeiro entre os moitos nomes que aparecen ao longo de arredor de 160 páxinas, entre xornal e cuadernillo de lanzamento.

Fai un momento Makeijan sacoume do erro. Unha dobre páxina á que non fixen moito caso fala dos “Roteiros pola historia de Galicia”. O roteiro gastronómico nace no século XVII coa industria conserveira e segue coa publicación de La Casa de Lúculo (Julio Camba), A Cociña Galega (Alvaro Cunqueiro), o primeiro restaurante de Toñi Vicente, a creación das denominacións de orixe Rías Baixas e Ribeira Sacra, a publicación de A lume manso (Xavier Castro) e o nacemento do Grupo Nove, para rematar no século XXI co nacemento dos Blogogastrónomos, que foi como nos denominamos ao comezo para definitivamente rebautizarnos hai meses como “blogastrónomos”. Hai uns días a publicidade do xornal prometía “retraso cero”.

Que nos consideren “historia” non sei se me alegra ou me preocupa

Ilustración tomada de Another Cow In The Corn

One thought on “Historia blogastronómica

  • 09 de Decembro de 2008 at 18:47 06Tue, 09 Dec 2008 18:47:01 +000001.
    Permalink

    Xa me preocupará cando estea no século XXII (se chego aló) 😉

    Reply

Deixa una resposta a makeijan Cancelar a resposta

O teu enderezo electrónico non se publicará Os campos obrigatorios están marcados con *