O incerto señor Don Pepe Vieira

© Colineta, 19-11-2008.- “O incerto señor Don Pepe Vieira” era o título dun artigo que pensaba escribir, e nunca o fixen, cando dez cociñeiros galegos foron ensinar as súas habilidades ao comedor da ONU, en Nova York, da man da Xunta de Galicia.

Daquela dábase a circunstancia curiosa de que algúns xornais galegos falaban de dez cociñeiros e de seguido enumeraban once nomes. Alí estaban, entre outros, Xosé Cannas e Pepe Vieira. Quede claro por adiantado que non son o mesmo.

Hai poucas semanas, con motivo do Forum del Mar de Cambrils falaba con Xosé deste asunto. “Ás veces pregúntanme: ¿ti eres Pepe?”, dicía o cociñeiro, “e por educación contesto que si, pero eu son Xosé”. Porque en realidade Pepe Vieira foi o avó de Xosé e Xoán Cannas, que hoxe están de noraboa pola merecida estrela Michelín que acaban de conseguir.

A confusión entre o nome do restaurante de Poio e o seu cociñeiro non acaba aí. Se leron onte Colineta verían que na Coruña preparan unha gran cea-desfile na que participarán dez cociñeiros galegos, entre os que se volveu colar Pepe Vieira, un home, que como tanto outros grandes homes, acada a gloria despois de morto.

Agora que xa ten a Michelín, a Xosé xa so lle falta que lle cambien o outro apelido polo de Camiño da Serpe e deixará de ser para sempre Xosé Torres Cannas (si, con Torres polo medio) para ser “Pepe Vieira Camiño da Serpe”. Cómese ben na casa deste home.

5 thoughts on “O incerto señor Don Pepe Vieira

  • 19 de Novembro de 2008 at 19:54 07Wed, 19 Nov 2008 19:54:31 +000031.
    Permalink

    López ou Torres?

    Reply
  • 19 de Novembro de 2008 at 20:38 08Wed, 19 Nov 2008 20:38:27 +000027.
    Permalink

    Tes razón, Cesare, Xosé e Xoán apelidánse Torres Cannas e non López Cannas, como eu publiquei, erradamente, ao comezo. Gracias a túa indicación xa amañei o erro no texto do post.

    Reply
  • 19 de Novembro de 2008 at 21:46 09Wed, 19 Nov 2008 21:46:38 +000038.
    Permalink

    E se sumamos que Capel lle chama Xoxe e que Regol lle chama Cañas, temos a un terceiro en discordia: Xosé Torres Cannas, Pepe Vieira e Xoxe Cañas.

    Reply
  • 19 de Novembro de 2008 at 21:49 09Wed, 19 Nov 2008 21:49:39 +000039.
    Permalink

    O de Xoxé é curioso. Eu teño un amigo galego de toda a vida, galego falante de aldea, que ao antigo tenente de alcalde de Ames tamén lle chamaba Xoxé e non había quen o baixara da burra.

    Reply
  • 03 de Decembro de 2008 at 03:18 03Wed, 03 Dec 2008 03:18:12 +000012.
    Permalink

    A mandar!

    Reply

Deixa unha resposta

O teu enderezo electrónico non se publicará Os campos obrigatorios están marcados con *