Pesca quere presentarse como acusación particular no caso das vieiras

Parece que a Xunta de Galicia xa espertou e, segundo escoito na radio, a consellería de Pesca anuncia que se persoará como acusación particular no caso das vieiras, se o xuíz o permite. Agardemos agora que tamén anuncien o reforzamento das medidas e do persoal que loita contra o furtivismo en toda Galicia, cousa que sería de agradecer.

Claro que a solución ao problema das vieiras non é solo policial e de vixilancia. (Roubar está prohibido, os cárceres están cheos de ladróns, as rúas de policías e séguese a roubar). A mellor maneira de evitar que o furtivismo aparte de ser un problema económico e fiscal sexa un problema de saúde pública é evitar a contaminación das rías nas que vive o marisco, facendo que tódalas augas residuais de poboacións e industrias acaben nunha depuradora. E supoño que sería axeitado que despois de pasar pola depurado foran a mar aberto e non ás rías. Todo é cuestión de investimento e de vontade política.

Penso que non é este momento de culpar á Xunta de Galicia do problema que está a vivir Galicia. Porque non é culpable do que fan os cidadáns, de forma consciente e libre.

Pero non é menos certo que a responsabilidade da Xunta non acaba ao converterse en acusación particular. Hai quen di que a mellor defensa é un bo ataque.


One thought on “Pesca quere presentarse como acusación particular no caso das vieiras

  • 11 de Setembro de 2008 at 13:57 01Thu, 11 Sep 2008 13:57:05 +000005.
    Permalink

    Pesca, consumo y hacienda (conselleiros y altos mandos) sabían de sobra que en hostelería es práctica habitual el comprar fuera de los canales de ditribución. Si lo que quieren ahora es lavar la imagen, al menos conmigo no lo consiguen.

    Reply

Deixa unha resposta

O teu enderezo electrónico non se publicará Os campos obrigatorios están marcados con *