Tapas en Vigo e Santiago

Tapas e máis tapas, todas pensadas para triunfar, se poderán degustar a partir desta fin de semana en Vigo e Santiago, no marco dos seus correspondentes concursos de tapas. Nos dous casos o concurso continuará ata o 13 de xullo.

No caso de Vigo é xa a terceira edición dun concurso que se limita ao casco vello da cidade e que conta unicamente coa participación dunha ducia de locais que servirán tapas diversas ao prezo dun euro.

Os locais participantes no concurso vigués e as tapas que ofrecen son os seguintes:

La Carbonara, mini espetada de carne con salsa ao funggi
Creperie do Mar,
crepe tartar ou boursin de saumon
Herba Luisa,
cabaciña ao curry
Trastévere,
filloa mixta
Marisquería Bahía,
revolto de zamburiñas ao suspiro de pomarola e herbas silvestres
Petiscos, petisco delicia da Ría
Mama Oko,
mini espetada tandoori con salsa verde de cilantro
Vinoteca A Meiga,
montadito Á Meiga
A Curuxa,
collóns de crego
Pita Tola,
ceviche
La Comidilla,
quevirantes
Alta Fidelidade,
mexillóns ao estilo Alta Fidelidade
Gout Doux,
mar adentro.

45 locais en Compostela

Polo que respecta a Santiago de Compostela, na primeira edición do concurso de tapas “santiago(é)tapas” participarán un total de 45 establecementos que ofrecerán máis dun cento de tapas diferentes.

Entre as novidades que presenta o concurso de Santiago está a creación do tapasporte, que permitirá acreditar o paso dos clientes polos diferentes locais das rotas establecidas, de maneira que haberá premios seguros para os primeiros clientes que completen polo menos unha ruta de tapas.

Na web de santiago(é)tapas hai xa abonda información sobre o tapasporte e a súa forma de uso e en breve poderán coñecerse os locais participantes no concurso, as tapas que presentan e ata as receitas empregadas para a súa elaboración.

ÚLTIMA HORA: xa se poden consultar na web os locais participantes no concurso santiago(é)tapas e as súas propostas


One thought on “Tapas en Vigo e Santiago

  • 26 de Decembro de 2008 at 15:40 03Fri, 26 Dec 2008 15:40:58 +000058.
    Permalink

    ¿Como en Galicia? O sea en España van a decir “con salsa de fungi” que es en italiano y no usan el idioma CASTELLANO, que es el segundo idioma mundial, que vergüenza para todos los que usamos nuestro hermoso amplio y rico idioma.
    DEBERIA DECIR “CON SALSA DE HONGOS”.
    LES INFORMO QUE HAY BASTANTES SINONIMOS DE HONGOS, BASTA BUSCAR EN CUALQUIER DICCIONARIO

    Reply

Deixa unha resposta

O teu enderezo electrónico non se publicará Os campos obrigatorios están marcados con *