Polbo mutante

A finais de marzo escribía sobre uns supostos “tacos de polbo” que na relación de ingredientes declarábanse como lura e ao final resultaba ser potón do Pacífico. Pois volvo sobre a cuestión, pero máis preocupado aínda que entón porque o que onte atopei no supermercado vai un paso máis aló.

Mirando unhas conservas de sardiñas e xardas reparei nunha lata, que podedes ver na foto, que anuncia polbo-lura. Como estaba sobre aviso imaxinei que este envasador de potón decidira mellorar algo a etiquetaxe e tomei unha lata na miña man. Pór na etiqueta polbo-lura e non simplemente polbo considéroo unha mellora na etiquetaxe xa que levará ao consumidor a interesarse por saber certamente que hai dento da lata, pero segue sendo unha etiquetaxe que semella enganosa: se dentro non hai polbo non pode a etiqueta dar a entender que si, e menos coa foto que aparece na caixa.

O asunto é que cando miro a lista de ingredientes, esperando atopar o Dosidicum gigas, doume de narices cunha lista de ingredientes que di polbo, aceite vexetal e sal en cinco idiomas: castelán, francés, inglés, alemán e portugués. Polbo, poulpe, octopus, polyfisch e polvo pódese ler na declaración de ingredientes.

Abro a lata e atopo o que se ve na seguinte foto. O peso escorrido é de 72 gramos e o prezo da lata de 75 céntimos, polo que este falso polbo sae a algo máis de 10 euros o quilo. A textura e o sabor é o mesmo que o do potón en conserva, unha merda, con perdón.

No andel inferior do supermercado repetíase a situación con outra lata similar, neste caso de Palacio de Oriente, a máis dun euro a unidade.


3 thoughts on “Polbo mutante

  • 26 de Xuño de 2008 at 21:05 09Thu, 26 Jun 2008 21:05:51 +000051.
    Permalink

    Ajjjj, qué asco. Ayer abrí una de las dos latas de “pulpo” de la marca Pay Pay que tenía en casa. Lo que había dentro era realmente asqueroso de textura y de sabor. Ahora que leo tu artículo, entiendo lo que ocurre, que me han engañado. Qué asco.

    Leo en los ingredientes: “Tentáculos de cefalópodos, aceite de soja y sal”. Vaya usted a saber qué cefalópodos hay aquí dentro.

    Lo peor de todo es que en la caja pone “Pulpo en Aceite Vegetal Seleccionado en Galicia”. Claro, “pulpo a la gallega” no te j*d$

    Reply
  • 30 de Xuño de 2008 at 13:47 01Mon, 30 Jun 2008 13:47:22 +000022.
    Permalink

    Eso es un fraude en toda regla; una infracción de las normas de etiquetado. Es bastante lamentable, la verdad…

    Reply
  • 24 de Novembro de 2009 at 03:01 03Tue, 24 Nov 2009 03:01:44 +000044.
    Permalink

    Joder, y yo creia que era el único que se fijaba en esas cosas, mira tú. Se llama Dosidicus gigas, y es el cefalopod mas pescado del planeta y me temo que nos lo estaran vendiendo por muuuuucho tiempo…

    Reply

Deixa unha resposta

O teu enderezo electrónico non se publicará Os campos obrigatorios están marcados con *