Alimentación-contaminación

Que vivimos nun mundo cada vez máis contaminado non se lle escapa a ninguén. E resulta inevitable que esa contaminación chegue dalgunha maneira á cadea alimenticia, sexa de forma directa ou indirecta.

Hai xa algunhas semanas que en Estados Unidos loitaban contra unha contaminación dos tomates por un tipo de salmonela, pero a nova salta hoxe con forza aos medios de comunicación porque un dos xigantes do fast food decidiu retirar o tomate fresco das súas hamburguesas para evitar problemas. Imaxino que a medida será provisoria.

Doutra banda, chegan novas que indican que a Unión Europea impuxo condicións máis restritivas que ata o de agora á comercialización de gomar guar, un espesante empregado pola industria alimentaria, despois de que se atoparan pentaclorofenol e dioxinas neste produto importando da India, primeiro produtor do mundo de goma guar.

E inda que semelle que xa o esquecemos, o problema co aceite de xirasol contaminado quédanos moi preto, e os problemas que poida causar o anisakis, que estivo moi de moda hai uns meses e que agora xa ninguén fala del. ¿Alguén sabe dun restaurante sancionado por non aplicar a norma da conxelación do peixe que se vai servir cru ou cociñado a baixa temperatura?.

Está visto que de algo hai que morrer… a primeira vez.


One thought on “Alimentación-contaminación

  • 18 de Xuño de 2008 at 15:02 03Wed, 18 Jun 2008 15:02:28 +000028.
    Permalink

    El día que se metan en lo de la alimentación en serio va a ver tiros al aire. Un ejemplo, el aceite de girasol que viene de Ukrania. En las botellas no se especifica el orígen del aceite ni nada que se le parezca. Yo con lo de chernobil aceite de Ukrania no quiero ni de broma.

    Reply

Deixa unha resposta

O teu enderezo electrónico non se publicará Os campos obrigatorios están marcados con *