“Paprica” nova cociña en Lugo

Remíteme Álvaro Villasante, dende Lugo, unha presentación sobre o seu restaurante “Paprica”, aberto hai uns meses na cidade das murallas cun clara orientación cara a nova cociña.

Atopo unha carta na que os entrantes compoñen a oferta máis ampla, cunha oferta de sete especialidades que van dende un tataki de bonito á tortilla deconstruída, rissoto, ensalada morna con moegas, foie gras, xamón de bellota ou ensalada de rosbif.

No apartado de peixes so dúas ofertas e en ambos casos en fusión con produtos do porco: pescada con canelón de ibérico e bacallau con unllas de porco. Tres carnes: porquiño, fazulas de tenreira e solombo de boi.

Dúas sobremesas: chocolate e tiramisú. E un mini carro de queixos, cousa pouco habitual en Galicia, pero composto exclusivamente con especialidades de fóra: Nevat, Marantona, Brique e Appenzeller.

A presentación non fala dos viños que nos ofrecerán coa comida e amosa un local pequeno e sinxelo. Haberá que ver como funciona nunha cidade como Lugo, que presume do seu lema turístico “E para comer Lugo”, pero na que domina a cociña tradicional con raras excepcións como este Paprica ou o España do amigo Héctor López.

5 thoughts on ““Paprica” nova cociña en Lugo

  • 12 de Marzo de 2008 at 21:18 09Wed, 12 Mar 2008 21:18:54 +000054.
    Permalink

    Paseille pola porta na miña última visita a Lugo, vindo de Meira (está na subida desde a estación de tren). Tiña boa pinta, pero era pola tarde e, coa Gourmet 2.0, non estaba a cousa para reservar pola noite.

    Entre a sensación que nos deu e o que contas, haberá que telo en consideración para o seguinte paseo pola cidade.

    Reply
  • 12 de Marzo de 2008 at 22:25 10Wed, 12 Mar 2008 22:25:27 +000027.
    Permalink

    Comín alá hai un par de semanas, nunha das visitas á miña vila natal…

    A verdade e que quedei gratamente sorprendido… moi interesante o ofertado, atrevido, ben cociñado e en relación calidade-precio, estupendo…

    Ademáis, un servizo de sala moi agradable e atento…

    Comín a tortilla deconstruída, o bacallao con morro de tenreira (non había uñas de porco) e os queixos, máis o que probei dos outros comensais… todo máis que correcto; só cambiaría o punto do ovo da tortilla… a carta de viños, interesante e cunha boa selección…

    En fin, un lugar que vos recomendo probar sen dúbida… diferente o que se fai en Lugo habitualmente… creo que quedaredes satisfeitos…

    Unha aperta…

    PD: Por certo, Gourmet… non sei se te confundirías… o Paprica está na rúa das Nóreas, dentro das murallas… dende alá á estación de tren hai un bo paseo (para o que é Lugo)…

    Reply
  • 14 de Marzo de 2008 at 21:52 09Fri, 14 Mar 2008 21:52:20 +000020.
    Permalink

    Penso que non me confundín, pero revisarei o mapa, porque igual a equivocación está no lugar onde o situo.

    Reply
  • 14 de Marzo de 2008 at 21:55 09Fri, 14 Mar 2008 21:55:06 +000006.
    Permalink

    Efectivamente. Comprobado, tiña un pequeno lío. Entráramos pola estrada de Meira e andivemos dando voltas para aparcar por esa zona que comento e, desde aí, fomos cara ó hotel pasandolle por diante ó restaurante.

    Gracias pola corrección.

    Reply
  • 26 de Agosto de 2008 at 14:11 02Tue, 26 Aug 2008 14:11:43 +000043.
    Permalink

    Pois metinme aquí intentando encontra-lo número do restaurante para reservar. Estiven alí fai cousa de 4 meses e pareceume espectacular. Un sitio pequeno e recollido onde da gusto ir a cear. Boa comida, bos viños e servizo excelente. Creo que non hai en Lugo nada que se lle asemelle, aínda que é verdade que non coñezo moito do que abriron ultimamente por ahí.
    Un saúdo en noraboa polo blog

    Reply

Deixa unha resposta

O teu enderezo electrónico non se publicará Os campos obrigatorios están marcados con *