O “destilador” de Flavio Morganti

Na pasada edición de Madrid Fusión os irmáns Roca explicaron como empregan un rotaval carísimo para destilar a esencia dalgúns pratos da súa carta de maneira que se presenta o propio prato, o concentrado do seu prebe e o destilado do mesmo.

A sorpresa foi descubrir como o cociñeiro ourensán Flavio Morganti fai algo semellante, pero cunha tecnoloxía que custa uns poucos céntimos. Flavio amosou nunha sesión de traballo realizada en Xantar un destilador no que emprega a ola a presión, un tubo de goma e unha cazola con auga e xeo. O da fotografía non é o de Flavio senón unha réplica armada na miña casa para comprobar que funcionaba. Consiste simplemente nun tubo de goma axustado ao pitorro da ola e somerxido nun baño de auga con xeo, co extremo introducido nun cacharro no que recoller os vapores condensados.

Haberá que falar con Flavio para ver que tipo de tubo emprega el, xa que non estou seguro de que calquera goma que se atope na ferraxería sexa apropiada para usar con vapor a presión (supoño que sae da pota a máis de 100 grados) sen que deixe residuos e cheiros.

Nun dos talleres de “Santiago repetirás” propuxen, en broma, a construción dunha réplica da ronner co acuario dos peixes. Despois de ver o destilador de Morganti empezo a pensar que non é unha idea tan tola.

One thought on “O “destilador” de Flavio Morganti

  • 08 de Marzo de 2009 at 15:23 03Sun, 08 Mar 2009 15:23:13 +000013.
    Permalink

    me hizo mucha ilusion ver que aun tenemos gente con ansiedad y sentido de lo normal agradezco mucho la consideracion , esta tecnica posiblemente de mano de alguno otro….. hubiera sido la monda …..te comento que presentamos una formula para ahumar tan valida y economica para todo los publico sobretodo los jovenes cocineros para que desarollen sus propias ideas y no se esclavizen a maquinarias y polvitos raros
    pero bien es lo que tenemos y lo importante es que en la multitud aya gente como tu que porlomeno se entera que vivvimos momentos de eccentrismo culinario……..
    un abrazo

    que sepas que estoy utilizando esta frase y que es mia porque creo que alguin la utilizara´en breve :
    el error del momento es intentar industrializar la artesania gastronomica …el reto para los artesanos gastronomicos o se prefieres cocineros en artesanar la industria ……innovando con tradicion y compromiso
    un abrazo flavio

    flavio

    Reply

Deixa unha resposta

O teu enderezo electrónico non se publicará Os campos obrigatorios están marcados con *