Estragos inmorais

Estou cabreado, así que ninguén agarde moitas risas. Vexo no telexornal e nos xornais que un ano máis se celebra a tomatina na que 40.000 persoas lanzan uns contra outros 150.000 quilos de tomates que finalmente acabarán nos vertedoiros e nos sumidoiros. Pregúntome que pensarán os inmigrantes africanos que recollen eses tomates ante tanto froito estragado por diversión.

Claro que a tomatina non é o único exemplo de “derroche” (“Bienvenido al derroche” di a web oficial desta festa). En Pobla del Duc estragan 20.000 quilos de uvas na festa del raïm e en Benicarló un xamón no concurso de lanzamento de xamóns. En Haro (A Rioxa) son miles de litros de viño os que se estragan. En Galicia tamén temos o noso derroche: cada 16 de agosto miles de litros de auga potable acaban nos sumidoiros da vila na festa da auga que segue á procesión de San Roque.

Xa sei que nin os tomates de Buñol, nin as uvas de Pobla del Duc nin a auga de Vilagarcía van acabar coa fame e a sede no mundo, pero pareceme inmoral estragar alimentos por diversión. Quixera saber cantos nenos morreron de fame no mundo nos sesenta minutos que oficialmente dura a tomatina.

One thought on “Estragos inmorais

  • 01 de Setembro de 2007 at 09:08 09Sat, 01 Sep 2007 09:08:41 +000041.
    Permalink

    Muchas veces me he hecho las mismas preguntas que tu.Cuando llegue hace unos años a España, quede anonadada, ya que desde mi subdesarrollada y tercermundista mente latinoamericana no daba crédito que se tirara asi, algo que en mi pais en ese momento estaba tan caro que comprabas de a uno para dar un gustito a la ensalada.

    Lo que puede parar el hambre en el mundo es la suma de todos los gestos que se encaminen hacia ello.

    Reply

Deixa unha resposta

O teu enderezo electrónico non se publicará Os campos obrigatorios están marcados con *