Galletas con ovos

Tiña uns ovos de paspallar na neveira e onte decidín fritilos, que é unha actividade abondo complexa pola dificultade de partir o ovo sen rachar a xema. O meu sistema consiste en cortar a casca cun coitelo de serra pola parte máis ancha do ovo, baleirándoo nunha cunca antes de mandalo á tixola.

Fritidos os ovos, caín en que tiña unhas galletas mariñeiras, así que cada ovo acabou derriba dunha delas, cun chisco de pemento picante por derriba, unha xema de espárrago e unha alcaparra.

Gustoume o resultado, que ten tres sabores moi diferentes. No primeiro bocado apreciase o contraste entre o renxente da galleta e a cremosidade do ovo frito, coa graza do pemento, que nos fai lembrar uns ovos fritos con chourizo. No segundo bocado incorporase a xema de espárrago, co seu sabor mineral. No terceiro e último bocado a alcaparra fai saltar chispas na boca, coa súa acidez acética.

7 thoughts on “Galletas con ovos

  • 15 de Decembro de 2006 at 13:56 01Fri, 15 Dec 2006 13:56:25 +000025.
    Permalink

    O dito, isto leva camiño de convertirse no “Recetario Blogogastronómico da Galleta Mariñeira”. Moi boa pinta.

    Reply
  • 15 de Decembro de 2006 at 15:39 03Fri, 15 Dec 2006 15:39:10 +000010.
    Permalink

    Gourmet, se fose pan quitámasvo da boca, x-ddd. Vai ser mellor que os das galletas tamén nos fagan algo de publicidade a nós, debemos ser os seus maiores fans. Un día vou a ter que poñer eu a miña foto das galletas coa nocilla, receta moito máis sinxela de facer que todas as vosas.

    Reply
  • 15 de Decembro de 2006 at 16:45 04Fri, 15 Dec 2006 16:45:44 +000044.
    Permalink

    Ahuuuuum! Que boa pinta!!!

    Reply
  • 15 de Decembro de 2006 at 18:00 06Fri, 15 Dec 2006 18:00:30 +000030.
    Permalink

    Como responsable do inicio do primeiro concurso pinchos sobre galletas mariñeiras, vexo que vou ter que presentar unha nova proposta. 😉

    Por certo, quedouche moi bonitiña, xa non quero pensar no sabor.

    Reply
  • 15 de Decembro de 2006 at 18:19 06Fri, 15 Dec 2006 18:19:43 +000043.
    Permalink

    Com digo, Makeijan, o pincho ten tres sabores distintos. E dado o seu tamaño hai que comelo en varios bocados.

    Reply
  • 18 de Decembro de 2006 at 17:02 05Mon, 18 Dec 2006 17:02:55 +000055.
    Permalink

    vaia idea acabas de darme para uns petiscos que teño que preparar nuns días!

    Reply
  • Pingback:Blog Daveiga » Galletas con ovos

Deixa unha resposta

O teu enderezo electrónico non se publicará Os campos obrigatorios están marcados con *