¿Alguén cumpre a lei?

O 30 de xuño rematou o período de adaptación no etiquetado de produtos que antes levaban as palabras «bio», «eco», «biolóxico» e «ecolóxico». Segundo informa Galicia Gastronómica, dende o 1 de xullo esas denoninacións están reservadas a produtos da agricultura ecolóxica.

Pero está visto que cada un fai o que quere. Esta mesma mañá (4 de xullo) e nun único supermercado puidemos atopar, sen buscar moito, iogures que aínda manteñen o «bio» e zumes de froitas e leite que fan o mesmo, como se pode ver nas fotos, tomadas hoxe arredor da unha da tarde.

As datas de caducidade dos iogures corresponden á segunda quincena do mes de xullo. Os zumes caducan entre outubro e novembro deste ano.