Colineta

Xa está na rede o número de primavera de ProTexta, o suplemento trimestral de libros da revista Tempos Novos. Parecerá que non é unha nova propia de Colineta, pero si digo que cada tres meses ProTexta dedica un espazo aos libros de gastronomía a cousa xa cambia.

A moitos lectores, e a min especialmente, que son o responsable desa área en ProTexta, gustaríanos que o espazo dedicado á gastronomía fóra meirande, pero o certo é que xa supón un gran éxito que unha revista dedicada aos libros e á literatura lle dedique tempo e espazo á gastronomía.

Os libros de cociña e gastronomía non sempre reciben o tratamento que merecen por parte das publicacións especializadas no mundo editorial. O normal é que se considere un xénero menor carente de interese para ese tipo de publicacións.

Pero non sempre. Dende o momento mesmo do seu nacemento, ProTexta, o suplemento de libros de Tempos Novos reserva un espazo para o comentario de libros culinarios, que teño a satisfacción de elaborar.

Agora Protexta pódese consultar na rede na nova web Temposdixital.