Colineta

Para celebrar o éxito acadado pola Pescada de Celeiro con caldo de pementos verdes e pilpil de limón visitamos o mércores Casa Marcelo, onde nos sorprenden cunha nova versión da mesma pescada, neste caso con “agridoce de pemento vermello”. No prato e na foto pode parecer unha pescada con allada, pero nada máis lonxe da realidade.

Pero volvamos ao comezo. Antes de comezar a comida Marcelo preguntou se nos importaba probar moitos pratos e, ante a nosa resposta afirmativa, avisou de que non rebañáramos o que nos fora chegando, cousa que máis ou menos foi facendo a miña muller. Pero eu nin fun quen de resistirme a acabar co que viña nos pratos e ao final, por prudencia do cociñeiro que non nos quería empachados, quedaron un par de cousas por probar.

Lee el resto de esta entrada »

A Pescada de Celeiro, caldo de pementos verdes e pil-pil de limón de Marcelo Tejedor situouse entre os dez mellores pratos do ano 2008 segundo o ranking que publica o último número da revista Vino+Gastronomía.

A pescada de Marcelo clasificouse no cuarto posto, despois do Tomate raf recheo de pipirrana, tomates verdes, xudías verdes y quisquillas de Dani García (Restaurante Calima), Maderas, de Quique Dacosta (El Poblet) e Hebras, de Josean Martínez Alija (Guggenheim).

Por detrás do prato do cociñero compostelán quedaron, Paisaje de Otoño, de Ferrán Adriá (El Bulli), Oca a la royal, de Joan Roca (El Celler de Can Roca), Guisantes del Maresme con tripa de bacalao y morrallets, de Xabier Pellicer (Abac), La gamba en la mano, de Jordi Vilá (Alkimia), Piel de salmonete asada con alioli de sus higaditos, de Nacho Manzano (Casa Marcial) e Bacalao en costra con cebolleta tierna, lentejas y panceta crujiente, de Paco Morales (Senzone).

Entres os finalistas quedaron pratos dos restaurantes Arzak (San Sebastián), Arrop (Valencia), Mugaritz (Rentería), Casa José (Aranjuez), Diverxo (Madrid), Coure (Barcelona), Martín Berasategui (Lasarte), Akelarre (San Sebastián), Casa Gerardo (Prendes), Fagollaga (Hernani), Etxebarri (Axpe-Atxondo), La Tasquita de Enfrente (Madrid), El Bohío (Illescas), Moo (Barcelona), La Terraza del Casino (Madrid), Azurmendia (Larrabetzu), Gresca (Barcelona)La Sucursal (Valencia) e Tragatapas (Ronda).

Esta mañá, cando consultei a Guía Repsol na súa edición dixital, atopei na portada do apartado de gastronomía unha reportaxe sobre Santiago de Compostela que, polo que di, me parece foi realizado no verán. Pero non foi iso o que me chamou a atención senón a relación de restaurantes que van ao final, encabezada por Casa Marcelo e seguida doutras casas compostelás (Toñi Vicente, Ana, El Mercadito, La Tacita D’Juan) e de vilas próximas (Fogón Retiro da Costiña, Casa Bóveda).

Ata aí todo ben, pero resultoume curioso que en tódolos casos indica os soles acadados na guía Campsa de 2007 e non na de 2008 como sería lóxico, pensando, como penso, que a reportaxe é anterior á nova edición da guía.

Ocupacións inescusables de toda mañá de venres impedíronme profundizar no asunto, pero saín coa sensación de que a referencia á guía de 2007 se debía exclusivamente ao desexo de que Casa Marcelo figurase con soles na reportaxe, cando na edición de 2008 lle retiraron o que ostentaba, de forma inexplicable e inexplicada.

Volvo de novo á mesma páxina e comprobo que xunto coa reportaxe sobre Santiago de Compostela hai outra sobre Madrid. Neste caso os restaurantes aparecen coas súas calificacións de 2008.

¿Remordementos de conciencia de alguén polo feito o ano pasado?

O “reverenciado” (lean as aspas cun deixe de ironía) fala hoxe de Casa Marcelo en El País Viajero. Comparto a súa opinión de que a pescada de Celeiro con caldo de pementos (e pil-pil de limón, que é a causa da acidez) é un prato memorable. O mellor de cantos lle probei a Marcelo.

Pero non estou de acordo nas súas descualificacións do tomate kinder e a vieira con ramallo de mar. Son testemuña (pasou na miña mesa) de que co kinder Marcelo consegue que lle gusten os tomates ata a quen en condicións normais non os soporta. E a combinación da vieira coa alga resulta lixeira pero moi interesante.

Claro que Capel sempre ten que dar unha de cal e outra de area.

Os cociñeiros do Grupo Nove continúan en plena racha de actividades no exterior de Galicia, con presenza nos máis variados foros culinarios españois e internacionais

Os grelos foron fotografiados en Lima por Marcelo Tejedor. Picando na foto pódense ver outras da mesma viaxe

Lee el resto de esta entrada »

O pan líquido en aerosol de Marcelo Tejedor comeza a acumular premios. Se primeiro foi o aerosol de prata, agora é o premio á idea máis orixinal, concedido por Canal Cocina na quinta edición dos seus premios, que foron entregados esta mesma semana en Madrid.

Marcelo Tejedor presentou o pan líquido na pasada edición e dende entón a idea está sorprendendo a propios e estraños, pola súa sinxeleza e eficacia, xa que con poucos minutos de forno o pan está listo. O cociñeiro compostelán emprega este pan líquido para realizar empanadas de mariscos en conserva (berberechos, ameixas…) utilizando como molde a propia lata da conserva.

Nos premios Canal Cocina deste ano tamén foron galardoados Kabuki Wellintong (mellor restaurante), Rut Cotroneo do restaurante Senzone (mellor sumiller). Ymelda Moreno de Arteaga (polo seu libro “Saberes y sabores de ayer y de hoy”), o Salón Millesimé, o programa radiofónico “Comer, beber y charlar” (Gonzalo Sol, Radio Intereconomía). Os espectadores de Canal Cocina elixiron como mellor programa do canal ao espazo “22 minutos”.

Confirmado, Casa Marcelo abre o próximo sábado 26 de abril. Dío a súa web e esta mesma mañá mo confirmou en persoa o propio Marcelo, nunha conversa brevísima, xa que andaba a cen cos últimos preparativos.

Tiven o privilexio de que o chef me permitira ver o novo aspecto do local e a sorpresa foi maiúscula. Había case semana e media que non visitaba o local e nese tempo a ninfa converteuse nunha marabillosa mariposa. Un local que vai sorprender a todos. Sigue tendo os mesmos metros cadrados, pero tan ben aproveitados que semella máis grande. E se antes a cociña estaba aberta ao comedor, agora aínda o está máis, así que procuren disimular cando ocupen unha mesa próxima á mesma, non vai ser o demo que os convoquen aos fogóns e lles fagan rematar o seu propio prato. Inda que peor sería fregalo.

Como non teño fotos do novo local non as publico. Máis morbo para o día da estrea.