Colineta

© Colineta, 27-11-2008.- En decembro de 2006, despois da Cata dos Meles de Galicia, publicaba en El Progreso o artigo que segue e no que daba conta dunha realidade indiscutible: o mellor mel de Galicia é do Valadouro. Dicía entón:

“O mellor mel de Galicia ten nome lucense: O Trobo, mel producido no Valadouro por Marifé Sixto Pernas, coa inestimable axuda de seu pai, Xavier, cunha longa experiencia no mundo das abellas e os seus produtos, xa que procede dunha familia de fabricantes de candeas, cando estas se fabricaban con pura cera de abellas: os aquilinos.

Lee el resto de esta entrada »

Os premios das catas de queixos e meles de Galicia entregáronse hoxe en Santiago de Compostela.

Na X Cata dos Queixos de Galicia, as Distincións de Ouro foron para

Prestes, de Queixería Prestes (Queixo Tetilla)

Arquesán, de Agro Despesa, S.L. (Arzúa-Ulloa)

Don Cristanto, de Queixería Cristanto, SAT (San Simón da Costa)

Castelo, de Castelo de Brañas (Cebreiro).

As Distincións de Prata recaeron en

Anzuxao, de Lácteos Anzuxao (Tetilla)

Ruta Xacobea, de Alimentos Ruta Xacobea (Arzúa-Ulloa)

Catadoiro, de Queixería Catadoiro (San Simón da Costa).

E as Distincións de Bronce foron para

Ruta Xacobea, de Alimentos Ruta Xacobea (Tetilla)

Bama, de Queizuar (Arzúa-Ulloa)

Prestes, de Queixería Prestes (San Simón da Costa).

Na VII Cata dos Meles de Galicia os premiados foron, na categoría de meles multiflorais:

O Trobo, de Mª Fe Sixto Pernas, Distinción de Ouro

O Testeiro de María Munín Taboada, Distinción de Prata

Mel de Monfero, de Mª Gerardina Pena Alvariño, Distinción de Prata

A categoría de meles monoflorais so opta a un premio:

O Testeiro, de María Munín Taboada, Distinción de Ouro

© Colineta, 27-11-2008.- Lera sobre os faragullos en “Merlín e familia”, a primeira novela de Álvaro Cunqueiro, e un día de verán de 2005 souben que na Pontenova lles facían festa dende o ano anterior, así que falei coa organizadora do evento e publiquei un artigo na sección que por entón tiña en El Progreso, que polo visto foi moi festexado polo cura da vila. Tamén falei dos faragullos en Colineta e volvino facer o día que decidín preparalos na miña cociña sen máis referencias que a receita que me deran, vía telefónica, na Pontenova.

Hoxe Por mis fogones publica un estupendo video, realizado en Vilanova de Lourenzá o domingo pasado, no que se pode ver a preparación desta sobremesa que debeu ser común en parte da Mariña. E digo en parte porque eu son do Valadouro e nunca por alí escotei falar dos faragullos (enfariñada lle chaman no video).

© Colineta, 27-11-2008.- Está por escribir a mitoloxía da cociña galega na que, como en toda mitoloxía, deberían mesturarse chiscos de realidade con moreas de imaxinación saída da cabeza de quen poña en marcha tan fastuoso proxecto.

De cando en vez eu fun poñendo os primeiros grans de area, coa aparición hai preto dun ano do porco milpés (Sus miriápoda) e máis recentemente do polbo das fragas (Octopus fragensis) e apuntei, só apuntei, a existencia do congro en salsa verde (Conger verdescens), pero traballo por diante hai arreo.

Entre os animais míticos que comemos os galegos está o percebe, que Álvaro Cunqueiro comparou, cando están na pedra, cunha chea de viquingos cos seus cascos na cabeza. Vaia, paréceme lembrar que foi Cunqueiro, porque agora non atopo a cita por ningures. Outro dos grandes mitos do país é a lamprea. Cincocentos millóns de anos en Galicia e sempre volve da emigración, non porque alá lle fora mal senón porque bota de menos o río que a viu nacer.

Lee el resto de esta entrada »

© Colineta, 26-11-2008.- Un estudo da Misión Biolóxica de Galicia, centro de investigación do Consejo Superior de Investigaciones Científicas (CSIC) situado en Pontevedra, proba o alto valor nutricional e as propiedades anticanceríxenas e antioxidantes das nabizas e dos grelos. A investigación, cofinanciada pola Consellería de Innovación e Industria da Xunta de Galicia, analiza como as condicións climatolóxicas condicionan as propiedades agronómicas e as características organolépticas (o sabor, a textura, etc) e como diferentes técnicas de cociñado afectan ás propiedades nutritivas. Deste xeito, establece as bases para mellorar as sementes en función dos condicionantes de cada lugar de cultivo e os modos de cociñado que permiten manter un maior valor nutricional.

Lee el resto de esta entrada »

© Colineta, 26-11-2008.- Nin todo o que está amparado por unha denominación de orixe é marabilloso nin todo o marabilloso está baixo o seu paraugas. Váianse afacendo a esta idea.

As denominacións de orixe naceron nun principio para amparar unicamente viños, e naceron nunha época en que Europa, o seu berce, saía da época da posguerra, unha época na que antes que calidade había que producir cantidade para abastecer a toda a poboación.

Daquela A Mancha producía mares de viño dunha calidade máis que dubidosa e certamente moi afastada dos logros dos últimos tempos nesta árida zona. Na verde Galicia dominaba o viño revolto, que hoxe é patrimonio practicamente exclusivo de Cataluña, porque en Galicia xa practicamente non se ve máis que nalgunhas, que non todas, das contadas tabernas que quedan no país. Non sei se en Cataluña seguen aínda no revolto ou volveron a el buscando unha suposta orixinalidade do produto. Suposta, digo, porque aquel viño revolto era froito dunhas malas prácticas vitivinícolas.

Lee el resto de esta entrada »

© Colineta, 25-11-2008.- Para celebrar o seu 80 aniversario, Paradores oferta uns menús especiais elaborados a partir dos “entretenimientos” pequenas racións tradicionais dos restaurantes da rede. Ata o próximo mes de novembro de 2009 os restaurantes de Paradores ofrecerán doce menús compostos a partir dos pratos máis representativos de cada un dos máis de 90 establecementos existentes en España, e cun prezo realmente atractivo: a partir de 19,28 euros, bebidas aparte.

Para este mes de novembro que xa remata a oferta comeza por unha serie de entrantes fixos para tódolos menús: exqueixada, lombo de porco de orza, pan con tomate e xamón ibérico, escabeche de perdiz con berros, soldadito de pavía, caldo de pucheiro con albondiguiña e unlla de ibérico rechea de fungos.

Lee el resto de esta entrada »

© Colineta, 25-11-2008.- Hoxe hai centola galega no mercado. É a nova do día despois de que onte se abrira a temporada de capturas deste crustáceo excepcional, despois de varios meses de vedas. No porto do Grove, o máis importante de Galicia na captura de centolas, descargáronse máis de 3.000 quilos, que se remataron en primeira venda entre 6 e 15 euros entre o optimismo dos mariscadores, que agardan que de cara ao Nadal os prezos se manteñan ou se incrementen.

Lee el resto de esta entrada »

© Colineta, 24-11-2008.- Din que o queixo de San Simón dá Costa, un dos máis peculiares de Galicia, procede da mesma prehistoria e atribúese a súa orixe ás tribos prerromanas que habitaban as serras do norte da provincia de Lugo. A posible orixe prerromano do queixo vese reforzado polas alusións ao mesmo do poeta Marcial, quen tamén dá crédito ao aprecio que Roma tiña por este produto.

(Lee mi reportaje sobre el queso de San Simón en el número de octubre de la revista Origen).

© Colineta, 24-11-2008.- A primeira das accións de “Merco e cociño con…” incluídas no programa Santiago Repetirás pechouse cun gran éxito tanto pola satisfacción dos participantes como pola acollida que a mesma tivo entre os medios de comunicación.

Lee el resto de esta entrada »