Apoteose no Forum Gastronómico

Aproveito uns poucos minutos da mañancina para falar outra vez do Forum Gastronómico que estamos a vivir en Santiago. Hai moi poucas horas deixaba Casa Marcelo despois da cea da prensa na que tiven o enorme privilexio de estar con outros catro xornalistas gastronómicos na mesa de Ferrán Adriá, que chegou cando xa estabamos coa cea (culpa dos avións) e demostrou un bo apetito e a boa amistade que ten con Marcelo e o seu equipo.

As felicitacións aos organizadores do Forum repetíronse unha e outra vez por parte dos xornalistas españois e estranxeiros, sorprendidos moitos eles pola calidade do programa e a perfecta execución do mesmo. As mesmas felicitacións se puideron escoitar ao longo do día, o mesmo que o sábado, no recinto do Palacio de Congresos por parte de visitantes, expositores, profesionais da cociña… semella un ambiente de euforia colectiva ante algo que sempre intuímos pero nunca ata o de agora tivemos en Galicia: unha feira gastronómica verdadeiramente profesional.

Afeitos a feiras sen más contido que o comercial, o público abarrotou as distintas instalacións do Forum ao longo da fin se semana. Onte mesmo, mentres o público enchía un auditorio con más de 500 butacas (había xente sentada nas escaleiras e no chan), outro cento asistía á sesión de Gonzalo Rei e Jorge Guitián (Gourmet de Provincias) nunha aula Picadillo co aforo completo moito antes de comezar, e preto de 80 realizaban unha cata de queixos con Luis Paadín na sala Ateneo. En total seguramente eran máis de 700 persoas as que asistían simultáneamente aos tres eventos, e iso sen contar os moitos que non podendo entrar na sala (na Picadillo e na Ateneo ademáis de escoitar ao cociñeiro cátase o produto) se conformaron con seguir as intervencións a través das pantallas situadas no exterior das salas.

O mesmo acontecera na primeira quenda da tarde, con Héctor López e Toñi Vicente no Auditorio Compostela, o pasteleiro Marcos Álvarez e as súas tartas de Santiago, bica e manteiga (sesión que tiven o pracer de presentar) na Aula Picadillo e Ariel Mendizabal cunha cata de bombóns na Sala Ateneo.

Apoteósico. Despois de moitos meses de xestación naceunos un Forum Gastronómico. Haberá que coidalo para que medre e en 2010 nos volva a sorprender.

NOTA: para máis detalles recomendo a visita aos blogs do colegas blogastrónomos, que por sorte para eles teñen máis posibilidades de estar en todo, fotografialo e publicalo mentres eu traballo. Eso si, no Forum e coa sensación de estar facendo historia. Na foto Diego Bello, de Casa Pardo (A Coruña) e Taky no stand da asociación Filloas da Pedra.(Volverei en canto poida)

2 comentarios sobre “Apoteose no Forum Gastronómico

  • el 18 de febrero de 2008 a las 09:45 09Mon, 18 Feb 2008 09:45:16 +000016.
    Permalink

    Falta comentar que a Cata de Requeixo que fixeste estivo espectacular. Aprendemos e saboreamos un “tesouro galego” de verdade.
    E tamén tiveste cheo.
    Parabéns,

    Berta

    Respuesta
  • el 18 de febrero de 2008 a las 23:45 11Mon, 18 Feb 2008 23:45:10 +000010.
    Permalink

    Felicidades por el trabajo que estáis haciendo, es una pena que no hayamos podido desplazarnos finalmente, pero gracias a los blogogastrónomos y a la pasión con la que lo estáis experimentando, casi viviremos el evento con vosotros.

    Un saludo

    Respuesta

Deja un comentario

Tu dirección de correo electrónico no será publicada. Los campos obligatorios están marcados con *