Un día en Madrid Fusión

Doce horas en Madrid Fusión, a xornada completa do 23 de xaneiro, dan para moito, pero especialmente para comprobar como o concepto de excelencia, que tantas veces se nos vende no mundo da gastronomía, ás veces falla de maneira estrepitosa. A miña visita ao congreso tiña dous fins principais: participar no encontro do blogueiros gastronómicos e asistir á sesión de alta cociña con conservas na que ía participar Marcelo Tejedor. Quería tamén ver a presenza galega na feira que acompaña o congreso, que xa anuncio decepcionante, e aproveitar o resto do tempo o mellor posible. E dende logo que o fixen.

Comezo polo final. O último acto previsto no programa de Madrid Fusión para o 23 de xaneiro era a sesión de “Alta cociña con conservas”, que patrocinaba Anfaco e na que participaron Marcelo Tejedor, Dario Barrio, Juan Pablo Felipe e Andrés Madrigal. Máis de 300 persoas asistiron á sesión.

Os catro cociñeiros realizaron unha sesión informal, chea de bromas e anécdotas, como cando soou o móbil de Marcelo Tejedor en plena exposición do seu traballo e llo pasou a Dario Barrio para que contestara.

Marcelo realizou unha empanada descuberta de berberechos, feita cunha lata deste marisco, na que cambiou a auga por allada para deseguido cubrir os berberechos con pan líquido en aerosol e enfornar. Despois de cocida, viraron a empanada sobre un prato de presentación para completar o prato con aceite de algas (codium) e un merengue feito coa auga dos berberechos e goma xantana.

O cociñeiro aproveitou a ocasión para presentar unha novidade mundial: o pan líquido en aerosol, unha mestura da súa invención que se presenta nun aerosol. O pan bótase nun molde e está listo para o seu consumo despois de poucos minutos de forno.

Un maki de chipiróns, rolo de atún, patacas á importancia con berbrechos e ameixas, xelatina de bitter roso con berberechos e filo-pizza de pasta de anchoas foron as creacións dos outros cociñeiros, que remataron o traballo cuncha broma de Darío Barrio, que amosou o que dixo lle levara moitas horas de reflexión: o bocadillo de sardiñas de lata.

Encontro de blogs

Antes desta sesión tivo lugar o encontro de blogs dirixido por Carlos Maribona. A cousa non empezou ben. Resulta que a participación no acto era por invitación (¿alguén se enterou de tal premisa?) e non os xornalistas acreditados tiñamos acceso libre á sala. Houbo un momento en que había máis xente na porta, sen invitación, que dentro. Ao final abríronse as portas e sobrou sitio. Máis da metade dos presentes entramos sen invitación.

Comezou falando Carlos Maribona, moi na liña do xa exposto no seu blog, considerando inaceptable que existan blogs cuxo responsable se escuda no anonimato e a existencia de bloguers que se aproveitan da súa condición para obter favores. Tamén criticou o costume dalgúns restaurantes de facerse publicidade a través de repetidos comentarios insertados con diferentes nicks.

Maribona dixo que está convencido da influencia dos blogs, pero moi inferior á que se cre e circunscrita ao círculo de xentes interesadas na gastronomía. Negou a influencia dos blogs no gran público e dixo que pensa que o fenómeno vai acabar coas guías gastronómicas, pero non cos críticos.

Despois de Maribona falaron os responsables de Los Tres Cerditos e Glotonia. Nos dous casos se limitaron a falar do seu blog, do seu traballo e dos seus intereses. Os últimos polo menos lle botaron gracia ao asunto, que foi o que salvou a intervención porque, a verdade, a min pouco me interesa saber se lles custa máis ou menos traballo pagar as facturas.

Saín decepcionado do encontro. Na sala había unhas sesenta persoas, o que facía prever un bo resultado. Pero na quenda de preguntas houbo pouca actividade, así que un dos da mesa decidiu preguntar el ao público: ¿Cantos de vos tedes un blog?. Levantáronse 8 mans, cando eu agardaba que polo menos media sala estivera composta por blogueiros. Penso que nun marco como Madrid Fusión, na capital do estado, o balance é ben escaso. Agardo que no Forum de Santiago teñamos mellores resultados.

Nota: noutro post haberá fotos e máis información sobre o día.

3 comentarios sobre “Un día en Madrid Fusión

  • el 24 de enero de 2008 a las 18:14 06Thu, 24 Jan 2008 18:14:01 +000001.
    Permalink

    Yo también espero que Santiago sea otra cosa. Desgraciadamente no voy a poder asistir a pesar de estar acreditado. Ya sólo lo que sucederá el fin de semana marcará un punto de inflexión respecto a lo que a congresos gastronómicos se conoce. En Girona fue así.
    Un saludo

    Roberto

    Respuesta
  • el 25 de enero de 2008 a las 10:22 10Fri, 25 Jan 2008 10:22:34 +000034.
    Permalink

    Yo estuve en ese encuentro/debate de blogs y también salí decepcionado. En vez de debatir el sentido, la aportación y los defectos de los blogs, solo hablaron sobre si mismos y lo que les fastidiaba que escritores anónimos les insultasen y criticasen. Que oportunidad desaprovechada.

    Respuesta
  • el 31 de enero de 2008 a las 14:50 02Thu, 31 Jan 2008 14:50:59 +000059.
    Permalink

    Debería existir una acreditación para cronistas gastronómicos sudamericanos. Desde Chile intento darle una mínima difusión, pero la única forma de incorporar mentes de otros sitios al debate es facilitando su interacción. Además, escribir una nota desde el otro lado del mundo es muy diferente que hacerlo desde la propia experiencia, donde realmente se tiene autoridad… ¿Existe una instancia gubernamental o regional dentro de España que fomente este tipo de encuentros? Si alguien sabe de algo, le agradezco el acercamiento.
    Daniel Greve, cronista enogastronómico chileno. danielgreve@gmail.com

    Respuesta

Deja un comentario

Tu dirección de correo electrónico no será publicada. Los campos obligatorios están marcados con *