Menú internacional de emerxencia

Hoxe cheguei á casa sen tempo de cociñar e con pouco para comer por cousas do traballo. Así que recorrín ao primeiro que atopei pola neveira e alí estaba este roti de polo recheo de ameixas e piñóns, de procedencia estranxeira que non puiden determinar porque cando quixen comprobala na etiqueta, resultou que, aro revés do dinosauro de Monterroso, xa non estaba alí.

O polo está certamente bo, pero sóbranlle os piñóns que, tan cociñados, perderon toda a graza que ten este froito seco e resultan insulsos.

O prebe colorado que acompaña á carne é unha confeitura sueca de grosellas, ideal para acompañar carnes de aves, mercada en Ikea. Moito se escribe sobre Ikea, pero semella que tododiós esquece a tenda de alimentación que sempre está ao pe da porta de saída, unha vez sobrepasadas as caixas, e na que se poden atopar cousas tan deliciosas coma esta confeitura, arenques (chíflanmen os “dillsill” mariñados con eneldo), conservas de reno, unha delicadísima mostaza sueca, galletas deliciosas…

As patacas son, iso si, cento por cento galegas. De O Pino viñeron.

A foto non é gran cousa porque se me ocorreu no último momento e non está preparada.

2 comentarios sobre “Menú internacional de emerxencia

  • el 19 de diciembre de 2006 a las 18:24 06Tue, 19 Dec 2006 18:24:49 +000049.
    Permalink

    Así que ti tamén eres da cofradía dos devotos do Dillsill e outras cousas polo estilo que se poden atopar na Tenda Sueca de Ikea! E que me dis dese queixo ó augardente?, do vinagre aromatizado con grosellas, da mostaza cun punto de mel ou mesmo das outras variedades de arenque?

    Se ata en grandes superficies un bo gourmet é quén de atopar algo con xeito.

    Respuesta
  • el 19 de diciembre de 2006 a las 18:38 06Tue, 19 Dec 2006 18:38:44 +000044.
    Permalink

    Cando vou a Ikea traigo material para varios meses. E sempre que paso por Madrid procuro non deixar de visitar a tenda. Hai alí moitas cousas que me gustan, pero coma os arenques Dillsill e a mostaza nada.

    Respuesta

Deja un comentario

Tu dirección de correo electrónico no será publicada. Los campos obligatorios están marcados con *