Salchichas e garavanzos

Moitas veces as cousas máis sinxelas convértense en pracer de deuses. Estas salchichas e garavanzos non parecen gran cousa, pero cociñadas conxuntamente dan un resultado excepcional.

Para tres persoas precísanse unha ducia de salchichas brancas frescas e un bote de garavanzos cocidos. Un pouco de aceite e nada máis.

Ponse nunha tixola o aceite a lume forte e incorpóranse as salchichas. En canto están douradas tápase a tixola e déixanse cociñar a lume medio.

Cando as salchichas están case cociñadas, agréganse os garavanzo, aos que se lles quitou a meirande parte da auga na que veñen, reméxese, vólvese tapar a tixola e deixase cocer, a lume lento, outros quince ou vinte minutos, remexendo de cando en vez.

Sérvese quente cun bo pan, para aproveitar o prebe restante. As salchichas quedan riquísimas, pero os garavanzos son sublimes.

Deja un comentario

Tu dirección de correo electrónico no será publicada. Los campos obligatorios están marcados con *