O skrei chega a Galicia

Na foto, skrei asado sobre crema de chícharos á menta, receita que se pode atopar na web de Norge.

Un emigrante, un “nómada” que iso significa o seu nome noruegués, chega ás mesas galegas. Falo do skrei, o bacallau que cada ano se despraza da xeadas augas do mar de Barents ás que rodean as illas Lofoten, na costa de Noruega, para desovar.

O seu longo e penoso viaxe dálle á carne deste bacallau unhas características especiais de textura e tenrura. Un bacallau certamente celmoso que agora chega ás cociñas dun bo número de restaurantes galegos da man do Consello de Produtos do Mar de Noruega.

Tradicionalmente os noruegueses consumían o skrei cortado en toros e escalfado, acompañado dunha gornición de patacas e cenorias. Aparte cocían o fígado e a lingua do peixe, que compoñen un prato típico chamado Mölge.

As sucesivas campañas do skrei en diversos países europeos, aparte da propio Noruega, permitiron compoñer un amplo e rechamante receitario para este peixe de tempada, receitario que se pode atopar na web dos exportadores noruegueses de produtos do mar.

Deja un comentario

Tu dirección de correo electrónico no será publicada. Los campos obligatorios están marcados con *