Agullas en conserva… e no Cantábrico

Nun comentario ao anterior artigo sobre a agulla, dinme que en Madrid so se atopa en conserva e que se trata de peixes pequenos. Efectivamente, a agulla enlatase en aceite, e trátase de pequenos exemplares que, imaxino, forman parte dese porcentaxe de inmaturos que se poden aproveitar cando aparecen a bordo dos pesqueiros, sen intención de capturalos. Buscando na rede so atopei referencias a Peña, así como ao fachendosos que se amosan os habitantes de Sandoval de la Reina, na provincia de Burgos, polo consumo que fan tanto de agulla fresca como en conserva. Incluso hai algunha receita que pode resultar interesante.

A talla mínima legal da agulla é de 25 centímetros, tanto no Cantábrico e noroeste como no Mediterráneo. Como moito, este peixe pode chegar aos 75 centímetros de longo e un peso algo inferior ao quilogramo.

Miro tamén na web de Pesca de Galicia e atopo a explicación a que non vexa esta especie nos mercados de Vigo, moi ben surtidos de peixe e, pola contra, miña cuñada me mande unha invitación a comer agulla en Castropol (Asturias) vía comentario.

Segundo os datos que saco desta web, no que vai de ano desembarcáronse en Galicia pouco máis de 13 toneladas de agulla, das que máis de 12,6 toneladas corresponden aos portos da Mariña de Lugo (Celeiro, Burela e Ribadeo). O prezo medio da agulla desembarcada este ano foi de 1,6 euros o quilogramo, polo que no mercado debe andar a moi bo prezo.

¡Que aproveite!

Deja un comentario

Tu dirección de correo electrónico no será publicada. Los campos obligatorios están marcados con *