Berberechos mellor que xamón ibérico. Esa é a elección da actriz estadounidense Gwyneth Paltrow, segundo recolle hoxe La Vanguardia.

A actriz fixo unhas declaracións na presentación en Nova York da serie “Spain…on the road again”, un programa de televisión no que recorreu España xunto co cociñeiro Mario Batali.

Segundo o xornal, o que máis impresionou á actriz, que de adolescente viviu en Talavera de la Reina (Toledo), foi coñecer Galicia e Granada, e a mellor lembranza do programa foi meterse na auga coas mariscadoras galegas.