April 21st, 2008Xeados de sabores galegos
No pasado Forum Gastronómico Santiago’08 causou sensación o xeado de Tarta de Santiago que presentou a firma Sandro Dessi, inda que desta casa a min o que máis me chamou a atención foi a granita siciliana de amorodos. Fiel ao seu carácter de relacións públicas nato, o propio Sandro me recibiu no seu stand do Salón do Club de Gourmets para anunciarme que xa tiña un novo sabor galego: castaña confeitada co seu biscoito. Naturalmente, probei o xeado de inmediato e sorprendeume o seu nidio sabor a castañas e os tropezóns de biscoito que aledaban a textura.
Pero algo despois comprobei que non era esta a única novidade “galega” en materia de xeados. A marca Gael, de Bergondo, presentaba os seus xeados de crema, elaborados a partir de leite cru pasterizado na propia factoría, entre os que me chamaron a atención dous sabores: albariño e licor café.
No primeiro caso o sabor do viño albariño está claramente nun xeado moi delicado. Trátase, naturalmente, dun sorbete. O de licor café é un xeado de crema que enche a boca por completo. Dúas delicias que non podemos perder de vista.
© Copyright Miguel Vila Pernas.
Se desexa facer uso NON comercial destes contidos, soliciteo por correo electrónico
Si desea hacer uso NO comercial de estos contenidos solicítelo por correo electrónico
11 May 2008 a las 13:11
[…] De un tiempo a esta parte se están dando algunas casualidades que me llaman la atención: algunos temas que publico en Colineta aparecen a los pocos días en algunos periódicos o radios. No estoy hablando de asuntos difundidos a través de notas de prensa que lo mismo me llegan a mí que al resto de medios, sino asuntos como lo de los helados Gael, que a los pocos días aparecían en La Voz de Galicia, o el de Granxa Familiar, sobre el que acaban de hablar en la Radio Galega. Veremos si los productos de Seagood, por ejemplo, salen a la palestra en la próxima semana. […]