“Lampreas a des euros, lampreas a des euros” pregoaba a súa mercancía ao pe do espolón de Padrón.
Cando me veu como cámara na man rápido deixou a lamprea que estaba a mostrar e colleu outra dun saco para saír máis airoso na foto. A que amosa agora ofrécea por 15 euros.
Dime Eduardo, que semella coñecelo todo sobre este peixe, que é mellor mercalas vivas (as deste home estaban todas mortas) e que os tonos vermellos delatan que proceden dalgún pesco onde a forza da auga e tan tremenda que as maza demasiado.
Sen dúbida estoutras teñen mellor pinta. Fotografeinas o día anterior, vivas, acabadas de sacar da auga. Pódese apreciar que no seu afán de apegarse coa boca a algo válelles ata outra lamprea.
